VIŠNJANSKE MAŠKARE ZAPALILE KORUNAŠA
U terminu uobičajenom za  Pusni utorak, kao i svake godine, u  Višnjanu je u parku Antuna Korlevića s početkom u 17.30 počelo suđenje pustu Korunašu.

Pusni utorak višnjanskih maškara nikad nije izgledao tako mirno, ali sukladno epidemiološkim mjerama okupio se manji broj ljudi i članova Udruge Maškara Višnjan kako bi do kraja iskazali svoju ljubav prema maškarama i običajima višnjanskih maškara.
Posebna zahvala ove godine išla je članovima Udruge Maškare Višnjan na trudu i aktivnosti te tvrtki Žiković d.o.o. na postavljanju i rastavljanju Pusta 2021 te Općini Višnjan.
Uz prigodno i šaljivo vođenje programa Diane Banko i Marina Matića - zaključeno je da je Korunaš optužen za stvaranje i prenošenje korona virusa, a u nastavku donosimo 'Šentencu 2021'.
 

Kakovo je to dolo vrime

da su nan zabranili anka intime.
Da ne moreš plesati, vijađati i fešteđati
da su i dva čovika preveć u svati !
 
Almeno da nan oštarije zaprli nisu
magari sad gremo lagje na svetu misu.
Cija šištem je remengo poša,
drugo nanke poli mediga nisi dobrodoša.
 
Ko si ča bolan, te ne vižitaju
perke zajno da imaš koronu pensaju.
Tako sad moraš poj medigu zdrav,
a za se naručit moraš poslat brzojav.
 
Epidemiolog je reka :
"distanca almeno 2 metra"
Ako ne, to ti napada srce i pluća,
ma samo neka je jetra mirujuća.
 
Već lito dan maske moramo nositi,
tega dela smo već štufi i siti.
 
U Višnjanu smo tega Korunaša ćapali,
na zaobilaznici ga skoro trupli i speštali.
Kad smo kapili ke ulov je to,
smo deštinali da ćemo ga kaznit za svo zlo.
 
On je stija širit zarazu po našen Višnjanu
sad ćemo mu pokazat da ode nismo u Wuhanu.
 
Ki je ZA da užgemo tega Korunaša
neka digne dva prsta,
vero ćemo paziti da dim ne gre dalje od Trsta.
 
Došlo je takovo vrime
da kaštigamo čovika s puno pozitive.
Ta Korunaš je kojna cija svit,
ali danas ćemo ga spalit i kvit !
Marin Matić - Udruga Maškare Višnjan

(REX)